أكيد كلكم  متابعين المستجدات وانا عايزك تبص للموقف والصورة قدامك زى رقعة الشطرنج واسمحلى احاول معاك نرص قطع الشطرنج تحت بعض وتشوف قطع العدو تتساقط قدامك بما نسميه لعبة قطع اليد كانك بتقول لعدوك اقطع ايديك قبل قطع لسانك وبعدين اقطع رقبتك خلينا نبدأ بالقطعة الاولى .

أولا مستجدات الموقف الأمريكى فى الفترة السابقة بايدن  كان بيتعمد الاتصال او التجاهل بمصر والريس عبد الفتاح السيسي للأسباب الأتية ..

بايدن العدو اللدود لترامب والذى كان على علاقة قوية بمصر والسيسى فبيتعمد يعمل أى حاجة عكس اللى كان بيعملها ترامب مع مصر وعلى رأس الملفات دى 

ملف سد النهضة الاثيوبي وموقف بايدن واضح وظاهر للجميع والدليل على كدا سكوته على الجرائم البشرية والمذابح الجماعية اللى بيعملها فى إقليم تيجراى لدرجة أن منظمات حقوقية وإنسانية وصفت ذلك بابادة جماعية بشرية وصلت إلى تشريد 2 مليون مواطن ومقتل 6000 الاف مواطن لحد ما بدأ الضغط يزيد على بايدن لدرجة أن منظمات حقوقية بتسأل ليه بايدن متعمد السكوت على جرائم أبي احمد لحد ما طلع خبر أمس من وكالة بلمبرج الأمريكية وكان مفاجآة للجميع بأن إدارة بايدن بتجهز عقوبات اقتصادية صارمة على أثيوبيا والعقوبات الاقتصادية عبارة  عن ايه … 

بداية كدا فرض قيود على التأشيرات الخاصة بالمسؤولين في اثيوبيا من ضمن العقوبات الاقتصادية أن الولايات المتحدة الأمريكية هتتوقف على دعم الميزانية الإثيوبية وهيتم منع البنك الدولي وصندوق النقد الدولي من دعم اثيوبيا ده معناه إيه أن إثيوبيا هيتخلى عنها الحليف القوى وهو أمريكا ولما يتخلى عنها الحليف القوى ابى احمد هيعمل ايه هيبدا يروح يدور على حليف تانى ولما يشوف حليف تانى اكيد مش هروح لحدحبيب أمريكا أو حليف أمريكا

اكيد هيدور على حد من خصوم امريكا مين خصوم امريكا اللى ممكن يروحلهم ممكن يروح لدولة زى الصين اللى هيا اصلا من أكبر ممولى السد وبالتالى لما حضرتك تروح لعدوى وتحط ايدك فى ايد عدوى انت هتبقى عدوى وساعتها انا اسعى بنفسى لتدميرك وارفع ايدى تماما عن اى حد عايز يادبك وبالتالى كل من له عليك فرض صلاحية وقت ضربك لإثيوبيا هيسيبك تعمل فيه اللى انت عايزه ويسيبك تادبه على طريقتك طيب نسنتنتج من كدا ايه …

أن العقوبات الدولية على أثيوبيا هى إحدى الخطوات الهامة التي تفتح الطريق قدامك عشان تؤدى مهمتك بمنتهى الارتياحية

اللعبة التانية او الحركة التانية من لعبة الشطرنج

مناورات حماة النيل القوات المسلحة المصرية وصلت بالفعل إلى الأراضي السودانية وهيعملوا مع بعض مناورة من اخطر المناورات المشتركة بين البلدين بعد نسور النيل 1 ونسور النيل 2 والحقيقة أن المناورة دى مختلفة عن المناورات السابقة تماما لاشتراك اعداد ضخمة من الأفراد واشتراك اعداد ضخمة الاعداد والمعدات والسرايا والوحدات بالجيش الثانى والجيش الثالث وتقريباً كل أفرع الجيش مشتركة فى المناورة سواء من القوات البحرية أو الجوية أو البرية بما فيهم قوات 777 وقوات 999 وكأنها بالضبط صورة فنية معبرة عن الكلمة الفرعونية الشهيرة إذا انخفض منسوب النهر فليهرع كل جنود فرعون ولا يعودون الا بعد تحرير النيل المفترض بعد المناورات كل الأفراد والمعدات يرجعوا على مصر والسؤال هنا بعد31 مايو المعدات والافراد هيرجعوا ولا يفضلوا فى السودان؟ لو رجعت كلها تبقى دى مناورة وتلويح بالقوة وتركيع واخراس لكل الألسنة ولو مرجعتش كلها او جزء منها على الحدود السودانية هنا اقدر أقول لحضرتك كل سنة وحضرتك طيب وبخير وعيد سعيد عليك

واكيد حضراتكم تابعتوا المداخلة الأخيرة للسيد سامح شكرى وزير الخارجية مع عمرو اديب لما تيجى حضرتك تبص على الكلام اللى اتقال هتلاقيه في منتهى الخطورة لكن عايزك تركز على كام جملة من اللى هو قالهم وهو انها خالفت اتفاق المبادى معنى ان سامح شكرى ياكد مرة واتنين وتلاتة على الإلتزام باتفاق المبادى إذا اتفاق المبادى مكنش تنازل من مصر عن حصتها المائية ولا تنازل من مصر عن اى حق من حقوقها بالعكس انت وقت ما مضيته على إتفاق المبادى انت كنت بتاخذ منه الوثيقة اللى تحللك وتشرعلك وتديلك الصلاحية والاحقية فى تأديبه لو خالف وده اللى بيوضح وبيعرض سعى مصر فى التوقيت ده انها تخلى ابى احمد يمضي على الوثيقة يعنى احنا اللى سعينا أن هما اللى يمضوا على الوثيقة مش اللى احنا نروح نمضى لهم وللاسف بعض ضعاف النفوس استغلت موضوع اتفاق المبادى وبدوا يوهموا ويقنعوا الناس ان مصر باتفاق المبادى بتتنازل عن حقوقها او انها تعطى الشرعية لابى احمد أنه يبنى السد وده عكس الواقع تماما انت فى التوقيت ده كنت بتحاول تمسك فى ايدك المستند اللى تعرف تحاسبه به بعد كدا وفى كلمات السيد سامح شكرى أهم كلمة لما قاله أن أى كلمة او قرار ليست مدفوعة بالعواطف يعنى كل قرار يتاخذ فى وقته توقيت القوة لوقته المناسب وخد بالك أن الوقت المناسب لاستخدام القوة اكيد مليون فى المية يسبقه علامات او اشارات زى صدور بيان من القوات المسلحة المصرية موجه لكل الشركات الراعية والعاملة بسد النهضة باخلاء منطقة السد تماماً واعتبار منطقة السد منطقة عسكرية وزى انك تلاقى دعوة صادرة من رئاسة الجمهورية بعمل استفتاء شعبى لتفويض القوات المسلحة المصرية بعمل ما هو لازم او تقتضيه المصلحة العامة

الحالة الثالثة واللى انا أتوقعها والله اعلم إعلان السودان للتعبئه العامة استعداد لاسترداد كافة أراضيه وفرض السيادة الكاملة على كل الأراضي المنهوبة بمزاعم اتفاقية 1902 وبما أن مصر شريك عسكرى للسودان بموجب اتفاقية الدفاع المشترك اللى بينهم من حقك رسمى انك تشترك مع حليفك وشريك السودان فى استرداد أراضيه

اللعبة الرابعة التحرك الرابع على رقعة الشطرنج امبارح قلت لك أن فيه خبر جماعة مسلحة او قوة مسلحة أصبحت على مقربة من سد النهضة يعنى بينهم وبين سد النهضة حوالى 12كيلو متر والحقيقة أن الخبر طلع صحيح والقوة المسلحة دى سرية كاملة مكونة من 120فرد من الشرطة الخاصة ببنى شنقول 120 دول انضموا للقوة المسلحة واصبحوا يدا واحدة كل المقاومة المسلحة أول امبارح قدروا انهم يحرروا معسكر من أكبر معسكرات الجيش الاثيوبي طردوا كل اللى كان فى المعسكر وتعدادهم ما يقرب من 1000 الى 3000 جندى إثيوبي كانوا داخل المعسكر سابوا الحاجة بالمعدات بالقتلى اللى حصلوا فى وسطهم بالمصابين وسابوهم على الأرض سابوا المعسكر وهربوا وأصبحت المقاومة فى بنى شنقول بتستولى على المعسكر والأرض اللى حواليه بالكامل وحاليا المقاومة المسلحة هناك رافعين شعار يا غريب خد ولدك وارحل لبلدك وبيدعوا كل الاثيوبيين الموجودين على أرض بنى شنقول أنهم يرحلوا لبلدهم وبيستعدوا لاسترداد الإقليم بالكامل

اللعبة الخامسة او الحركة الخامسة على لعبة الشطرنج من اثيوبيا من جيش المرتزقة للسفاح ابى احمد أن السودان استعاد 20 الف فدان من أراضيه فى إقليم الفشقة وطبعاً كانت معركة كبيرة ما بين الجيش الاثيوبي والجيش السودانى ونتج عنها 370 قتيل من الجيش الاثيوبي من فتره كده قامت قوات اثيوبية ومعاها مجموعة من ميلشياتها وصلوا منطقة اسمها قطراند ومدينة اسمها عبد الرافع واتمركزوا هناك ومعاهم كميات كبيرة من الأسلحة وفيه معركة مرتقبة بين الجيش السوداني وميلشيات ابى احمد وميلشيات الامهرة

لما تيجى حضرتك ترص قطع الشطرنج زى ما قلت لك قلتلك جنب بعض أو تحت بعض هتلاقي الاول عقوبات امريكا على أثيوبيا وبعدها هتلاقي مناورات حماة النيل هتلاقي بعدها الكرباج الدبلوموسى اللى انت ضربت به المثل في العالم كله … هتلاقي التحركات السودانية وبمنتهى القوة لتحرير أراضيها

وكمان تحركات  بنى شنكور للسيطرة على إقليم سد النهضة كل التحركات السابقة على رقعة الشطرنج بتعرفك أن الأحداث حاليا على صفيح ساخن جدا جدا ولكن النتيجة اللى تقدر تطلع بيها أنك بتلعب على رقعة الشطرنج بمنتهى الاحترافية والاهم ان كل اللعب اللى بتلعبه وانت ايدك نظيفة تماما وكله بالقانون سامحوني علي الأطاله ولكنه التحليل الأقرب من وجهه نظري المحدوده

ولعله خير بأذن الله