لما تيجى تبص على الموقف المصري حاليا كل الدول عايزة مصر دلوقتى فجأه مثلا رئيس وزراء باكستان متهيألي ما سمعتش عن مكالمة منه للريس عبد الفتاح السيسي أهو كلم الرئيس عبد الفتاح السيسي.

بلاش المستشارة الألمانية أنجيلا ميركل رئيسة وزراء المانيا اقوى دولة فى الاتحاد الأوربي اقتصاديا حاليا كلمت الريس عبد الفتاح السيسي بلاش وزير الخارجية الأمريكي عندك فى القاهرة بلاش بايدن كلم الرئيس عبد الفتاح السيسي مرتين فى اقل من اسبوع

كل ده بيأتي مع زيارة وزير الخارجية القطرى لمصر بلاش كدا انت ناسى الوفد التركى الي جه مصر لمحاولة إعادة العلاقات فجأة كدا كل الناس عايزاك هو في أيه يدعو أن كل الناس كدا تتكلم فجأة مع مصر او تعوز مصر فجأة .الملف ده غريب وفى نفس الوقت انت فى المنطقة مفيش حرب إقليمية تستدعى أن مصر تتدخل فيها يعنى المنطقة مش على شفا حرب ولا حاجه متهيالى فى الشرق الأوسط مفيش حرب هتقوم خاصة بعد محاولة امريكا إعادة الاتفاق النووى مع إيران ليه  ليه كل الناس دلوقتى عايزين مصر ؟؟

الإجابة طلع من موقع اسمه المونتر المونتر   AL -monitr ده بيركزلك وبيقولك على فكرة لو جيت تبص على الدور المصرى هتلاقيه دور كبير جدآ ليه مينفعش تتحرك في الخليج من غير مصر يعنى المصالحة الخليجية كانت هتم من غير مصر يوم ما قطر راحت للسعودية تتكلم معاها قالت لها مش هينفع نتصالح غير لما تصالحى مصر والإمارات والبحرين هل السعوديه قالت الامارات والبحرين بس قالت لها مصر فانت لو حابب تتحرك في الخليج فيه رباعي عربى من اقوى الدول فيه هى مصر.

بلاش لو أنت حابب تتحرك في قطاع غزة لازم برضه تستعين بالدور المصري ولو انت عايز توقف الحرب ملكش كلام مع حماس غير عن طريق مصر مصر لاعب مهم جدا فجون بايدن كلم الرئيس عبد الفتاح السيسي بيطلب منه انه يساعده في وقف إطلاق النار برضه بلاش كدا بص مثلا على ملف ليبيا

 أنجيلا ميركل  لما كلمت مع   الرئيس عبد الفتاح السيسى قالت له ايه قلتله احنا نتفق معاك ضرورة مغادرة المرتزقة السوريين من ليبيا نفس الكلام اللى جون بايدن قاله  للرئيس عبد الفتاح السيسي هيا مصر مسؤولة عن ليبيا ؟

بس مصر لاعب كبير جوه ليبيا مينفعش انك تتجنبه بلاش كدا قبرص واليونان بيكلموا معاك دلوقتى بخصوص ملف شرق البحر المتوسط وتحسين العلاقات وأنه هيكون فيه مناورات ووزير الخارجية سامح شكرى راح قبرص واليونان وقعد يكلم معاهم انت لاعب اقليمى كبير جدا لا يمكن الغنى عنه بس موقع المونتر  A L_MONITRمركز على حاجة مهمة جداً بيقولك ايه

بيقولك على فكرة مصر واضحة في طلباتها زى ما امريكا كانت واضحة جدا امريكا كانت طلبت من مصر وقف إطلاق النار في قطاع غزة طلب مصر واضح برضه احنا عاوزينكم تحلوا موضوع سد النهضة محلوتوهاش سيبنا نحله أحنا

يعنى ايه سيبنا نحلو يعنى ملكش دعوة بينا ملكش تحرض علينا إعلاميا دبلوماسياً تتكلم على عقوبات مفيش الكلام ده والحقيقة لما تيجى تبص هتلاقي أن الإدارة الأمريكية تملى بتروح مع الدولة الاقوى ازاى قال والله لما تيجى تبص أن إثيوبيا مهمة جدا للامريكان بيبعتوا قوات حفظ السلام زى ما وزير الخارجية الاثيوبى قال مش طلع هدد امريكا وقالهم متنسوش احنا بنبعت قوات حفظ سلام احنا بنتعامل معاكوا استخبارتيا عندكو تعاون اقتصادى والكلام ده مهم ليكو ولو مبطلتوش يا امريكان تدخل في الشأن الداخلي الاثيوبي احنا هنعيد صيغة العلاقات دى وازود ليك من عندى ممكن نروح للصين الإدارة  الأمريكية مكملة الإدارة الأمريكية متراجعتش مكملة ليه

عشان تعرف إجابة السؤال ده لازم ترجع لزيارة الرئيس عبد الفتاح السيسي  لجيبوتى  ومصر بعتت قبل الزيارة دى طائرتين مساعدات لجيبوتى وأن مصر فى الرياده دى بتوضح دور مصر بشكل كبير ازاى لما تيجى تبص هتلاقي جيبوتى دولة ضايعة إقتصاديا معندهاش اقتصاد ده مفيش فى نفس الوقت الرئيس المصري بذات نفسه مبعتش حد شخصيا راح يزورهم ليه

ترجع لموقع المونتر  AL-MONITRفى مقالة تانية بيقولك ايه على فكرة مصر لحد 2014 مكنتش مهتمة بافريقيا تماما خالص ولا فى بالها خاصة بعد محاولة اغتيال حسنى مبارك محاولة الاغتيال دى مصر قفلت الباب ده مش عايزين حاجة من افريقيا ولا افريقيا ليها دعوة بينا إحنا كل علاقتنا مع أوروبا مع الناس دى إنما افريقيا لا لا مش عايزين لكن بعد 2014 الكلام ده كله اتغير ببقولك ان مصر نشطة جدآ فى الملف الأفريقى بتخش بتتوغل إقتصاديا فى معظم الدول وده يدل أن الدول دى وقعت معاك اتفاقية تعاون عسكري ازاى انت عارف أن جيبوتي اكبر حليف لإثيوبيا معلش يعنى اثيوبيا متعاونة اقتصاديا بشكل ضخم مع جيبوتى وجيبوتى كانت بتايد الدور الاثيوبي فى ملف سد النهضة تيجى تعمل معاك اتفاقية تعاون عسكري واستخباراتى مع الجيش المصري إيه الكلام ده

بلاش يجى الرئيس المصري بذات نفسه والرئيس الجيبوتى يستقبله في المطار تحت أنظار الاثيوبيين انت عارف بتتكلم على ايه دولة غيرت موقفها 180 درجة ده يدل على انك دولة قوية جدا مش هتغير موقفها غير لما تستفيد منك ثاني واحدة انت بتتكلم أنها تعاونت معاك عسكرية مش ممكن ده يؤدى إلى نزاع أو توتر في العلاقات مع إثيوبيا اكيد برغم كدا جيبوتى حسبتها وقالت لك هروح مع مصر ده يدل على أيه والله حسب موقع المونتر  Al -MONITRبيقولك ده الشغل الامريكانى. ازاى بيقولك احنا هنتوغل اقتصاديا فى كل الدول الأفريقية عشان يبقى لينا نفوذ وهيمنة فى القرارات يعنى حضرتك لما تيجى تبص على طريق القاهره  كيب تاون  هيعدى على كذا دولة والدول اللى هتعدى عليهم دول هتسهل تصدير مصر للبضاعة بتاعتها لأفريقيا هتعدى على السودان جنوب افريقيا دول كتير هتستفيد من الطريق ده مصر عايزة تتوغل إقتصاديا وفى نفس الوقت إحنا بنبنى سد فى تنزانيا سد جيولويس نيريرى والسد ده شغال عليه المقاولون العرب والسويدى اليكتريك والاثنين دول شركتين مصريتين دخلوا باحسن سعر وبينفذوا السد والتنزانيين مبسوطين جدا جدا بيايدوا الموقف المصري في اى حاجه فانت عندك هنا مصر مش بتبص على موقف جيبوتي الإقتصادي مصر عايزة تتوغل فى الدول دى واللى يبينه الكلام ده المقالة اللى نازلة فى  Al-MONITRالمونتر بتقولك إيه >>>

مصر عايزة تدخل كذا شركة للبنية   التحتية اللى هيعيد الأعمار شركات المواصلات والنقل شركات الاتصالات شركات الصناعة شركات التجارة كل دول شركات مصرية يخشوا يتوغلوا جوه جيبوتى يبقوا قوة اقتصادية يقوم عليهم الاقتصاد الجيبوتي على أساس الشركات المصرية لاغنى عن الشركات المصرية لما الشركات المصرية تساعد الاقتصاد الجيبوتي او تساعد فيه اكيد جيبوتي مش هتفك منك ما انت هتكون ماسكها بشكل كبير هتقرر تبقى معاك ما انت اكيد بتساعدنى مش هقف ضدك جيبوتى وقعت معاك اكبر اتفاقية تعاون عسكري ودى اكبر ضربة لإثيوبيا اكبر ضربة دبلوماسية لإثيوبيا

اثيوبيا بتعتبر بتتحاصر دبلوماسياً وعسكرياً ع فكرة الموقع بيقولك اثيوبيا مش خايفة من اتفاقيات التعاون العسكري اللى بتمضيها جيبوتي وكينيا والدول دى مع مصر هما خايفين أن مصر تستغل الاتفاقات دى فى إنشاء قاعدة عسكرية ده أكثر خطر خايفه منه إثيوبيا ليه لو بنيت قاعدة عسكرية داخل جيبوتي مثلا والله اثيوبيا مش عايزه تبنى سد النهضة فقط لا ومصر مش خايفة من سد النهضة فقط خايفة من تبعات سد النهضة أن إثيوبيا تبنى سدود تانية طب لو اضرب سد النهضة مش ممكن الاثيوبيين يبنوه تانى  .. ممكن  …

طيب لو مصر عملت قاعدة عسكرية في جيبوتي يوم ما إثيوبيا تفكر تبنى سد القاعدة موجودة تطلع تهده من اساسه ارجع لتصريحات  الرئيس عبد الفتاح السيسى  لما قال إن اثيوبيا استغلت انشغال مصر بالثورة اللى عندها بتاعة 25 يناير وقامت اثيوبيا ببناء السد بعد كدا عندنا ثورة معندناش ثورة هيبقى عندنا قاعدة فى جيبوتى تطلع تضربك او تضرب السد اول ما تقول نبنى سد فلو بتفكر أنك تغلفنا مش هيحصل ده اللى خايفة منه إثيوبيا فى نفس الوقت اللى انت مش واخد بالك منه أن أمريكا بتروح مع الاقوى صح .

مصر دلوقتى بتتوغل اقتصاديا وعسكرياً جوه الدول دى هيأ اثيوبيا كانت بتهدد امريكا بايه أنها ترسل قوات تعاون اقتصادي تعاون استخباراتي كل ده مصر بتقدمه مصر موقفها بيضعف كل يوم احتياجات الغرب ليها طيب أسألك سؤال تانى القادة اللى كلمو الرئيس عبد الفتاح السيسي مش لازم يوازنوا العلاقات مع إثيوبيا مش فيه نزاع بين مصر وإثيوبيا هما القادة دول كلموا آبى أحمد؟؟

محصلش ده اكبر دليل أن القادة دول واقفين معاك ده اعلان رسمى تايدهم لمصر فى كذا ملف ما انا لما اكلمك وما ارفعش سماعة تليفون على أبى احمد مش فارق معايا ابقى معاك المهم مصر ، مصر يا جماعه بتخوض حرب دبلوماسية شريفة وقوية لأقصى درجة واوعى تنكر الدور المصرى فى أكثر من ملف لو انت كملت الملف الأفريقى انت مهم فى كل الملفات مفيش دولة مش هتحتاج مصر أو تحاول تجنبها .امريكا كانت بتحاول تتجنب الدور المصرى فى فلسطين مينفعش لو أنت فرضت نفسك على كل الملفات دى محدش هيعرف يتحرك في المنطقة أو فى العالم غير لما يرجع لمصر مصر هنا ابتدت تقوم تانى المارد هيبدأ يرجع من تاني .

حربنا الدبلوماسية لو كسبناها أتوقع بشكل كبير جدا أن حربنا العسكرية هتكون فى منتهى السهولة انت لو ضربت السد عسكريا وظهرت دولة تعترض فى الأمم المتحدة زى اثيوبيا راحوا للامم المتحدة وقالت لهم دول تدخلوا في الشأن الداخلي بتاعى وقصفوا الأراضي بتاعتى وده عدوان خارجي صح لما يحصل تصويت فى مجلس الأمن او الامم المتحدة مثلا هو مين اللى يصوت بالضبط السوال ده مهم  جدآ مين الدولة التى تصوت ضدك إسرائيل أنت لسه مساعد إسرائيل وفلسطين فى الهدنة ده أنا بقولك عايزين يعملوا مؤتمر لتبادل الأسرى بين الفلسطينيين والإسرائيليين في القاهره هل إسرائيل هتصوت ضدك فى الأمم المتحدة مش عارف إسرائيل ممكن تلعب فى الخفاء ممكن تعمل العاب مش نظيفة إنما فى العلن خلى بالك أن الملف ظاهريا مش تبع إسرائيل مش مهتمية به ممكن تكون وده اكيد بتلعب من الباطن بس ظاهريا مش عايزة تبين عداء قصادك خاصةً انك بتكلم على عقوبات كبيرة مين اللى هيصوت ضد مصر مش عارف لو انت عارف قول لى انت كسبت كل ملفاتك الدبلوماسية بشكل كبير جدا فاضل الملف العسكري او الحرب العسكريه على سد النهضة هتبقى اتفه من التفاهة خاصةً انك بتتكلم على دولة ضايعة دولة اثيوبيا دى مش امريكا او روسيا بتتكلم على دولة جيشها مفكك وهتهزمه داخل أرضه دولة اثيوبيا او الجيش الاثيوبي أتهزم جوه إقليم تيجراى بالرغم من استعانته بجيش تانى أتهزموا هما الاثنين مش عارفين يسيطروا على الإقليم لحد دلوقتي مصر بتحرك افريقيا لفرض نفسها على الساحة الدولية وأنها لاعب اقليمى لا يمكن الغنى عنه أسف  للاطاله  ولكنها مصر ياسادة