كتبت \ سهيلة العدوى 

من الاكبر الاخطاء اللي بيرتكبها الأباء في حق اولادهم انهم بيدوهم حب واهتمام ورعايه كتير جدا جدا في اول سنتين من عمرهم وبعد كده الاهتمام والحب بيقل

ويبدأو يبينولهم حبه قسوه وعنف وللأسف كل ما الاولاد بيكبرو كل ما العنف اتجاههم من ناحيه الأباء بيزيد وهنا تحصل الكوارث كلها ونشوف الابناء فاقدين للثقه في نفسهم وعدم الشعور بالامان والراحه وسط الأهل

وتبدأ رحله البحث عن وسائل دفاع عن النفس لدي الأبناء ضد الأسره وتبدأ ايضا رحله البحث عن حب واهتمام خارج الاسره وتبقا كل اهتمام الابناء بالحب والاحاسيس والمشاعر وهنا بنشوف المجتمع والناس المحيطه بيتهموا الابناء بسوء الخلق و..و..و.. والاسره ترتكب خطأ اخر في حق ابنائها لأن رد فعلها على  علاقات الحب ده بتكون بشكل أعنف من الأول

هنا بيفقد الابناء الثقه في الاسره تماما ويفقد احساس الامان بوجود الاسره وبتبقا بالنسبالهم سجن ..وقيد .. بيحلمو يتخلصو منه

الخلاصة … ابنك كل مابيكبر بيحتاج حب واهتمام اكتر

عادي جدا انك تفضل تحبه وتدلعه وهو طولك وتقوله تصبح ع خير وتديله بوسه وحضن زي ماكنت بتعمل معاه وهو نونو في اللفه هاتتحل كل مشاكل الشباب بحبه حب