… التعلق … 

هل تعلم أن أكبر غلطة ترتكبها في حياتك إنّك ربطت ومازلت تربط سعادتك بوجود ناس مُعيّنة في حياتك..

 انتبه جرس انذار لهلاك نفسيتك  لأن الناس مش هتدوم و هتتفاجئ في يوم وليلة النفوس هتتغير والمقامات كمان هتتغير واللي تبات حبيبه تصحى تلاقيه واقف لك زي ما تكون عدوّه اللدود ، والشخص اللي بيعاملك بمزاجه يوم حلو وعشرة وحش ، لازم تعرف وتفهم إن مش كُل الناس ينفع تثق فيهُم تتديهم الامان المفرط ، ولا كُل الناس ينفع ترفع سقف توقُعاتك فيهُم وتديهُم أكبر من حجمهُم ، زي مافي ناس مُعينة بردو أخرك ترمي عليها السلام وتعدي من جنبهُم بهدوء وتحمد ربنا إنّك مريت من جنبهُم بسلام   

  شغل الفلتر لكل اللي حواليك كل فتره واللي مش هيكونلك دعم وسند اركنه في الرف البعيد بدون مانتخلي عشان نتجنب سمومهم

والمُبالغة في تقديرك للناس اللي في حياتك هو اللي هيوصلك للحالة دي اللي هو التعلق ومن ثم الصدمة ومراحل هلاك المشاعر واستنزافها …