كتبت \ أمينة سعد 

الحقنا ياريس ..  أرجوك  … 

استغاثة بعث بها الفنان عزت أبو عوف عبر صفحته على موقع التواصل الأجتماعى فيس بوك  يستغيث بالرئيس السيسى بسبب الأرتفاع الكبير فى فواتير الكهرباء .

وكان عزت وصلته فاتورة كهرباء للبيت الذي يعيش فيه مع زوجته ونجله، بمبلغ 13 ألف جنيه، فقرر الاستغاثة برئيس الجمهورية عبدالفتاح السيسي، وكتب  على صفحته الشخصية الفيس بوك .

انتم عارفين إني من أكبر المشجعين للرئيس السيسي، لكن لما توصلني فاتورة كهرباء عن شهر واحد لبيت ساكن فيه ٣ أنفار ( أنا ومراتى وأبنى ) ومعندناش لا ضيوف ولا يحزنون بمبلغ ١٣٠٠٠ جنيه، فلازم اسأله:أيه اللى بيحصل ده ياريس ؟؟

ده أنا لو مصنع مش حاخد بـ ١٣٠٠٠ جنية كهربا، وبسأل المحصل قالي ما حضرتك ساكن في پالم هيلز!!!! يا سلام، هو اللي ساكن في پالم هيلز ده لازم يبقى أوناسيس مش ممكن يعني يكون مُفلس ومعهوش ١٣٠٠٠ جنيه مش عارف أقولك ايه ياريس لك  .. الحقنا أرجوك  ..