كل يوم
ساعة العصارى

نلعب الكورة

او نحكى الحكاوى

ولما نفكر نجرى بحلمنا لبعيد

نروح الكورنيش القديم

وتحت الشجرة الكبيرة

نغمض عنينا

ويلف الحلم بينا

نصحى على صوت الادان

وطلقة المدفع القديم

فى نهار رمضان

فاكرين …
ولا نقول كمان

لما كان بورتوفيق
فى يوم ملكنا 

وشم النسيم بيضمنا

وضحك الصبايا

ولعب الصغار

وحكاوى الكبار

فوق النجيل الأخضر

على شط القنال

ويوم ماهمست عنينا بالكلام

ويوم أول عتاب

تحت ضوء كشاف لمركب
معدى فى القنال

فاتت سنين

اتفرقوا فيها الصحاب

والحلم مات
ولاتاه …ولا اتسرق.

محدش عارف

غير ان لسة  عندى
شوية أمل 

يرجعوا تانى الصحاب

بس ياخوفى

لو … سألونى

عن حلمنا

والنجيل الأخضر
وشط القنال

هاموت الف مرة

قبل ماجاواب

عملوا جدار عاااازل

ومنعوا عننا

ضوء …النهار