ليه عينيكي بتحلى أكتر

لما عنِّي بتبعدي

ليه فـ قُربك منِّي باقتل

كل حلم بيبتدي

ليه شفايفِك وانتي جنبي

بالدموع متلونين

هوَّ ذنبِك ولاّ ذنبي

نبقى دايماً مجروحين

***     ****      ****  ****

ميت سؤال شايفُه فـ عينيكي

تبقي جنبي ومش لاقيكي

لو خلاص الخوف ماليكي

عرَّفيني وماتداريش

لو خلاص م الخوف تعبتي

ودَّعيني يا حبيبتي

مش هـ أقولك ليه فارقتى 

مش هـ ألومك ماتخافيش

***   ****  ****  **** 

غصب عنِّك بتسيبيني

برضُه أحسن ماتخونيني

واللي كان بينِك وبيني

ويَّا غيري هـ تلاقيه

دوَّري على حلم تاني

تمحي بيه الأولاني

بكره طيفِك لو نداني

هـ ابتسم واعمل ناسيه