الموز خلص
و القرد لسا بيقرا فى الجرنان
تحت العناوين القديمه
بيلتقي بالحلم
جبلايه خضرا و غضة الأفنان
في عينيه بتتساوي البلاده
و السعا\ده
و دمعة الأحزان
ماعدش بيحس الوجع
من جوع
و لا ضرب بالخرزان
الموز خلص يا قرد
– بكره الفرج هيهل
الموز خلص يا قرد
– تعالي اقعد (ف) الضل
الموز خلص ياقرد
– روح عن دماغي و حل
الموز كتير و انت
مالك كده عميان !
ما عدش في الجبلايه
قرود و فيها الروح
لا حاسه بالعيشه
و لا بطلوع الروح
قرود أصابها الحلم
فى الرؤيه و المقتل
ما بقاش يفيد تسأل
عن الشجر و الموز
الموز خلص يا قرد
و القرد ف التوهان
