يا قرد أيه أجبرك
فى حلقة الحاوي
تعجن كفلاحه
و تنام كما العازب
و تغني بأباحه
و انت اللي بتحاسب
ع الغله بالسحتوت
الحلقه توسع عليك
تشقي في لم النقوط
و فى أخر السهره
الحاوي يقفل عليك
الحاره و الزنازين

يا قرد يا ميمون
ثبت عليك الجنون
أوعا تقوللي بريء
أنت اللي يوم ما صحيت
على غيار الريق
أمنت بالحاوي
يبني لك المحرقه
و انت اللي بتناوله
من العلبه عود كبريت
و تقوللي ده مخاوي
ملايكه أو شياطين