أنا القرد اللي مش عارف
يغني للقرود السيس
و لا يحلب بقر فالصو بلاستيك صب
ضروعها باللبن فاضت باسم الرب
و لا يعجن فى شاشة العرض قرص فطير
و بعد العرض يحكي لكل مردينه
فوايد الصوم
و إعلان عن دوا التخسيس

أنا القرد و القرداتي مش حاسس
بأني خلاص
ببيع الحلم بالمكرونه و السكر
بصوم اليوم و لما أفطر
ألاقي الحلم ذي الرز .. متكسر
و لما بسأل الغابه
و جبلايه كل قرودها كدابه
يقولوا أنت اللي متغير
يجوز الحلم جه بدري
أو أنت جتله متأخر