كتبت\ أمينة سعد 

الرئيس عبد الفتاح السيسى قالها بكل صراحة الحكاية مش حكاية قائد ولا حكومة  … الحكاية …  حكاية شعب

يعنى بأختصار سيبوا الشعب يختار من غير سحب على رحلة عمرة  ولا أم كامل ولا أم أيمن الشعب هاينزل يشارك ويقول كلمته من غير مؤتمرات  بنشوف فيها نفس الوجوه وبنسمع فيها نفس الكلام .
الناس اللى هتنزل تشارك  هى الناس اللى بتقف فى طابور العيش وطابو التموين  وبتحسب الباقى من نقاط العيش  علشان تجيب بالفارق علبة سمنة  ولا ازازة زيت .

وبتركب الميكروباص وبتقوم الصبح بدرى تجرى على لقمة العيش  وبتقسم مرتبها مابين الدروس الخصوصية وفاتورة الغاز والكهرباء والميا وبتقضى باقى الشهر بقدرة ربنا وبتتحسر من كل قلبها على مؤتمرات بيتصرف عليها ملايين .
بس فى النهاية بيضحكوا ضحكة طالعة من القلب وهاينزلوا يشاركوا لآنهم بأختصار وبعيد عن أى هتافات بيحبو مصر  وعارفين آن مصر محتاجهم الفترة  دى.
الناس دى هى الشعب والحكاية فى النهاية حكاية شعب